熱刺平手盤筍到爆

猪拉多纳

肥叔成日話要睇盤做人，但都要睇清楚形勢，靠自己嘅判斷力買波，唔好一見到落飛就舂個頭埋去，今日重心推介場次，係英超愛華頓主場硬撼熱刺，熱刺一向於聖誕新年快車賽期特醒，今仗初盤開出平手盤筍到冇朋友，有買趁早。

(now 621周一凌晨零時直播)

講到飛到未必波到，上周中英超重頭戲曼聯主場對車路士，就係最佳嘅例子。嗰場開平手盤，不過紅魔由1.84倍跌到開波前嘅1.75倍，相反車仔則由1.93倍，狂升至2.12倍，按照常理曼聯應該贏得，但大家忽略咗一點，就係嗰場被視為紅魔主帥尹戈爾嘅續命戰，而飛數都係來自一眾散戶，堅信紅魔呢類勁旅會喺生死關頭反彈，明顯係欠缺理性嘅盲目追捧，最終互交白卷走盤收場，唔使輸真係執番身彩。

今晚英超愛華頓主場對熱刺，唔講你未必知，熱刺過去6季於聖誕新年快車賽期，錄得16勝6和1負嘅佳績，今季頭3場快車更大獲全勝，可見佢哋喺快車賽期特別醒神，嚟到尾站作客「拖肥」更加未驚過，近6次正面交鋒，取得3勝3和未輸過，今仗初盤開出平手盤，絕對係坐和望贏格局。
拉科唔赦維拉利爾

西甲拉科魯尼亞主場對維拉利爾，兩軍實力半斤八両，不過拉科近10場正式賽事未嘗敗績，初盤開出平手盤，肥叔力撐拉科。

(now 632周一凌晨1時15分直播)