熱那亞市打吡捱細界

猪拉多纳

今晚意甲獨腳戲上演「熱那亞市打吡」，熱拿亞主場對森多利亞。呢兩支同市難兄難弟今季水鬥水，熱拿亞歇冬前聯賽4連敗，而森多利亞今季意甲作客未贏過，加上雙方球員放完假，隨時未回魂，寧揀入球細。

（TVB301周三凌晨3時45分直播）
熱拿亞森多水鬥水

熱拿亞今季跌晒Watt，聯賽已淪為尾4，連踢盃賽都腳軟，上月中意大利盃主場對丙組球隊阿歷山迪亞，90分鐘只能打和1比1，踢到加時，熱拿亞仲輸埋被淘汰出局，簡直影衰晒意甲球隊。以熱拿亞近3場聯賽冇波入嘅頹勢，加上中場大腦柏洛迪停賽，今場唔好話想贏，連破蛋機會都唔樂觀。

至於森多利亞近8場聯賽只1勝，首席射手艾達馬田斯早前受傷，雖然今仗仍可披甲，但好可能影響表現。森多今季24個聯賽入球之中，有10球由呢位意大利國腳射入，若然佢失準，勢必令攻力大受削弱，同埋森多利亞8場聯賽作客只有3和5負，亦無力發圍。再睇埋兩隊近5次對賽有4次開入球細，細盤成為最佳選擇。