獅吼作客照劏鳳凰

猪拉多纳

今日澳職上演獨腳戲，威靈頓鳳凰主場對榜首布里斯班獅吼。鳳凰近4仗未贏過，今場仲有3位主力停賽唔踢得，面對4連勝嘅獅吼，就算有主場之利都未必頂得住，獅吼小讓平半追得過，上盤水位1.7倍趁早買。

（有線64及203台周日下午2時直播）

鳳凰最近4場未贏過狀態低沉，而且呢4場波夾埋失咗9球，防線明顯出咗問題。鳳凰主場戰績其實唔太差，叫做連續4場不敗，但球隊今仗受傷停問題困擾，後衞文尼梅斯卡特、中場保尼華斯亞同前鋒阿歷斯哥連都要停賽，而前鋒阿歷士魯化、中場路爾斯芬頓同後衞薛蒙特唔踢得，兵源短缺下相信難有作為。

獅吼近況就比鳳凰好得多，球隊4連勝狀態弗爆，更重要嘅係4場波入咗8球，平均每場入到兩粒，反映球隊攻力唔錯，有能力撕破任何球隊防線。獅吼今仗雖有前鋒占美麥卡倫、班頓波里路同後衞占士當拿治要出戰嚟緊嘅U23亞洲盃而缺陣，但有中場魯迪斯卡傷愈復出，球隊實力應該冇大影響，今仗有望再贏向5連捷進發。
托盧卡主場坐和望贏

墨超秋都有好介紹，托盧卡主場對堤格雷斯，主隊近7次主場出擊贏咗5場，當中只有1場入唔到波；相反堤格雷斯近6場作客有2場捧蛋，平手盤捧揀番托盧卡。

（周一凌晨2時開賽）

最後瓜達拉哈拉對華拿古斯，華拿古斯近7場作客有6次開入球細，1.73倍細盤好路。

（周一早上7時開賽，馬會網上文字直播）