愈踢愈神奇伊巴穩勝格

猪拉多纳

周二凌晨西甲獨腳戲，由「神奇球隊」伊巴主場迎戰CF格蘭納達，伊巴今季唔使踢西乙不特止，依家仲喺聯賽榜排緊第6，你話神唔神奇先？CF格蘭納達近期曳爆，連續3場吞3至4蛋，阿King今場一於捧1.67倍嘅主勝！

（now 632周二凌晨3時30分直播）
格蘭納達近況曳爆

伊巴上季排第18位，理應要降班，但艾爾切因財政出現問題被罰降班，伊巴幸得保命，今季有得繼續踢西甲。伊巴福大命大，今季繼續神奇之旅，踢咗19場聯賽錄得8勝6和5負，以30分排緊第7位，當中贏過畢爾包、和過西維爾同維拉利爾等強隊，最近聯賽更係3連勝，其中擊敗愛斯賓奴一仗，伊巴嘅日本國腳乾貴士射入世界波技驚四座。反觀CF格蘭納達近3仗全敗，3場皆輸3至4粒，今場更有前鋒魯賓洛堅拿坐波監唔出得，作客睇怕都係凶多吉少！

同晚英足盃第3圈，英乙紐波特郡喺主場迎戰英冠布力般流浪，布力般搵嚟前阿士東維拉領隊林拔執教後，攻力反而弱雞咗，近6場加埋先入得嗰1球，相反紐波特郡上場擊敗約克城，結束連續4場不勝頹勢，有望振奮士氣，即使班次低兩級，喺主場做好防手，應有力頂住唔多失，細盤值捧。

（周二凌晨3時15分開賽）
塞圖巴爾下盤博得過

最後講埋葡超獨腳戲，博維斯塔主場對塞圖巴爾，博維斯塔5連敗兼一球不入，表現極不濟，塞圖巴爾近4作客取得3勝，有力反客為主，今場受讓平半，一於捧下盤！

（周二凌晨4時開賽）