阿積士「讓主」睇「高」一線

猪拉多纳

埋嚟睇、埋嚟揀呀喂！阿積士今晚喺荷甲快車主場對荷華高斯，1.67倍「讓主」抵玩！現時阿積士只係比次席嘅燕豪芬多3分，榜首位置坐得唔穩陣，主場夠旺實搏，何況對手荷華高斯連首席射手坦拿尼都賣走埋，想搶分都難啦！
荷華高斯賣走首席射手

阿積士日前喺主場以1:0砌低維迪斯，但由於爭標對手燕豪芬同樣贏波，呢場唔輪到阿積士唔搏。至關鍵嘅係，巴素亞上場開波25秒就打開紀錄，據知祖雲達斯已經打緊佢主意，加上翼鋒安華艾加斯係AC米蘭目標，右閘連積好可能轉投愛華頓，呢個時候佢哋肯定要搏命證明實力同身價，有利阿積士搶分。

仲有呀，今季阿積士喺聯賽主場有8勝1負，只係輸過畀死對頭燕豪芬，其他荷甲球隊遇到佢哋，都係送分格局，相信荷華高斯都唔會例外，特別係佢哋為咗得到250萬歐元，將隊中首席射手坦拿尼賣咗去聖伊天，況且班波作客表現幾乎例牌走樣，睇怕唔係冷敲嘅合理時機囉！