熱刺超班 盡數高車士打

猪拉多纳

英足盃早場由高車士打鬥熱刺，高車士打現時於英甲排包尾，足總盃對佢哋嚟講只會係負累，早啲出局全力護級好過，今仗對手熱刺質高態勇，輸少當贏啦，1.76倍嘅熱刺讓球客勝穩陣。

（周六晚8時45分開賽）

高車士打由12/13球季開始，每季都是英甲下游份子，護級先至係球隊首要目標，但球隊近9場輸咗6場，已經跌落榜尾，本來足總盃連過幾關入到32強係幾好成績，但嚟到依家咁嘅情況，呢隻盃對佢哋嚟講已變成負累，更何況對手咁強，全無贏面下，球員更加無心戀戰。

熱刺近期愈戰愈勇，英超穩佔第4，即使下周中要踢快車，但對手只係諾域治，應可以放心喺今仗搶W晉級。熱刺近期先後擊敗新特蘭、李斯特城同水晶宮，且連續3仗贏對手2球或以上，高車士打根本未夠班挑戰佢哋，加上前鋒哈利卡尼持續有好表現，3戰入2球狀態弗爆，今仗鬥英甲仔，又是大開殺戒的良機。