摩納哥殘陣難贏尼斯

猪拉多纳

法甲上演前列大戰，「二哥」摩納哥喺主場鬥「阿三」尼斯，兩隊上場贏波成功止跌，但摩納哥傷兵滿營，加上尼斯近5仗作客和咗4場，今仗面對強敵相信會以1分為目標，摩納哥隨時「老鼠拉龜冇碇埋手」，阿謙睇好尼斯可全身而退，捧讓球客勝。

（TVB 301周六晚9時直播）

法甲冠軍幾成巴黎聖日耳門囊中物，其他球隊惟有以第2做目標，摩納哥現時排第2，但傷兵名單「水蛇春」咁長，前鋒拉仙拿查奧爾、艾雲卡華利路、中場巴路利、湯馬士林馬、杜拿蘭、守將托尼及艾捷亞積利等同受傷缺陣。摩納哥缺少以上球員下，面對同級球隊未必贏到，好似前仗對第4嘅昂熱就輸波，今仗相信都好難打。
賓艾化狀態大勇

尼斯上仗憑賓艾化一腳擊敗圖盧茲，呢位中場近4仗入4球狀態大勇。尼斯今仗有中場柏利亞、馬哈曼查奧爾、拿比漢及門將普連缺陣，球隊近5仗作客有4場打和踢得比較保守，今仗相信都係以1分做目標，一心死守下有力全身而退，一於捧讓球客勝。