勝利衝季後賽大起阿聯

猪拉多纳

阿King今日有好推介，就係澳職嘅墨爾本勝利主場鬥阿德萊德聯，兩軍近期均入得多又失得多，好似阿德萊德聯咁，近7場開咗6場大盤，加上佢哋近6次到訪勝利主場都係開大，今場搵入球大做過關膽穩陣呀！

（有線64及203台周五下午4時40分直播）

澳職常規賽剩番8輪，力爭衞冕嘅墨爾本勝利依家排第5位，想爭取更高排名踢季後賽，對前6球隊一定要全力爭勝，包括今場鬥第3位嘅阿德萊德聯。「阿德」今場有後衞拿洛卡繼續停賽，球隊上陣冇咗佢，作客榜尾嘅中岸水手都失2球，險勝對手3比2。勝利近期防守亦唔好，近3仗皆有失球，其中兩場更失2球或以上，加上兩軍對賽成績旺開大，勝利近6主場對「阿德」都開出入球大，阿King一於熱捧大盤！
基達菲唔赦利雲特

再講埋西甲同法甲獨腳戲，先係西甲榜尾嘅利雲特主場對基達菲，今場係4連敗嘅基達菲止血好時機，球隊過去4次作客利雲特都保住不敗，而利雲特近3仗全敗，今場讓唔起對手，捧讓球客勝！

（now 632周六凌晨3時30分直播）

最後係波爾多主場迎戰尼斯，波爾多連續8場開大，當中更有6場總入球達4球或以上，入得又失得，前鋒迪亞高洛蘭、迪亞比堤輪流發威，今場一於繼續追大！

（TVB 302周六凌晨3時30分直播）