三箭睇定嚟踢歎細界

猪拉多纳

射手轉會 難起飛腳

日職開咧之前，先嚟一場日本超級盃畀大家熱吓身，由上季日職總冠軍廣島三箭鬥天皇盃王者大阪飛腳，賽事於中立場橫濱日產球場上演。三箭新一季失去王牌前鋒戴恩費斯杜格拉斯，鋒力大減。兩隊下周都要參戰亞冠盃分組賽，有後顧之憂難去盡，結合近6屆日超盃5次開細嘅紀錄，蘇豪今場推介入球細。

（有線61、201台周六中午12時35分直播）

廣島三箭去季成為日職王者，其中一位功臣就係巴西前鋒戴恩費斯杜格拉斯，佢喺聯賽取得21個入球，排喺神射手榜第2位，只係少過川崎前鋒名將大久保嘉人2球。戴恩費斯杜格拉斯去年喺世界冠軍球會盃亦有優異表現，最終轉投阿聯酋富豪球會艾阿恩，對三箭打擊甚大，攻力嚴重受削。

為補充實力，廣島三箭即時作出收購，由清水心跳簽入尼日利亞前鋒彼德烏達卡，之不過呢位前鋒上季喺聯賽只係入得9球，短時間之內相信難以取代戴恩費斯杜格拉斯地位。三箭喺2013同2014年踢日超盃同樣小勝奪冠，分別贏柏雷素爾同橫濱水手1比0及2比0，今場應該會繼續穩中求勝。
日超盃往績旺細

大阪飛腳新一季成功留住兩大進攻王牌宇佐美貴史及安達臣柏德列，球隊去年喺日超盃以2比0戰勝浦和紅鑽奪冠，再對上一次參戰喺2010年同鹿島鹿角踢成1比1，最終喺互射12碼不敵對手，2戰均開出入球細。再加上兩軍下周中都要出戰亞冠盃分組賽，今場難以全力搏殺，況且近6屆日超盃開出1大5細，今仗可留意細盤。