肯薩斯體育會大盤起革命

猪拉多纳

新一季美職下個月初就開鑼，多支球隊已經陸陸續續開始搵對手拍跳，聽朝就有兩場熱身賽，先係科羅拉多急流對侯斯頓戴拿模嘅西岸對碰，同埋西岸嘅肯薩斯體育會鬥東岸球隊新英倫革命，兩場都喺中立場舉行。其中肯薩斯體育會近6次鬥革命有5次開大，入球大值得捧場。

（周日早上10時30分開賽）

肯薩斯體育會係2013年美職總冠軍，不過之後兩年都無以為繼，成績一般。兩個多星期之後美職就會開咧，但體育會至今都冇乜動靜，未有簽入新援增強實力之餘，反而有前鋒基斯頓尼美夫、中場班拿度安羅同守將彭馬布朗離隊。不過踢熱身賽球員冇心理包袱，可以放盡嚟踢，今場入波相信唔會少。
碰頭例演入球騷

至於新英倫革命則有中場確菲、沙維亞哥西同後衞沙賓哈來投，球隊今季繼續由希比斯領軍，革命喺佢帶領下，攻強守弱，上季34場聯賽有21場總入球達3球或以上，比率為6成2，革命上場同皇家鹽湖城大演入球騷打和3比3，加上鬥肯薩斯體育會嘅往績旺大，今場再追大盤！