廣島三箭FC山東大激鬥

猪拉多纳

F組方面，FC山東作客日本盟主廣島三箭，雖然FC山東今季冇重金收購球星，但就聘請前巴西國家隊領隊文奴文尼斯執教，可以進一步發揮陣中射手迪亞高泰迪利等森巴兵嘅潛力。廣島三箭上年12月獲得世冠盃季軍，具備實力問鼎亞冠寶座。兩強相遇，料有激鬥，捧入球大。

（周二晚6時開賽）

FC山東上屆亞冠盃分組賽出局，但大踢悅目足球，6戰入13球、失17球，全部開大。今季由文奴文尼斯領軍，相信會延續主攻踢法，皆因球隊中前場猛將如雲，射手迪亞高泰迪利屬於現役巴西國腳，前鋒楊旭上屆亞冠轟入6球，僅次於列卡度高拉特。呢對鋒線組合今屆亞冠第3圈外圍賽，各建1功助球隊以2比1擊敗阿德萊德聯，進身分組賽。楊旭上周中第2次做爸爸，趕及歸隊參戰，梗係要踢場好波，送畀BB啦。
計往績三箭唔赦中超隊

至於廣島三箭首席射手戴恩費斯杜格拉斯已離隊，不過仲有佐藤籌人、淺野拓磨等高質前鋒。兩人剛於日超盃入波，以3比1擊敗大阪飛腳，已操起狀態。廣島三箭上年12月世冠盃季軍戰，反勝中超勁旅FC廣州，今場對FC山東，當然未驚過，相信會主攻爭勝。