櫻花齊腳上盤可蜀食

猪拉多纳

日乙今日進行多場賽事，其中水戶蜀葵會喺主場迎戰大阪櫻花。蜀葵今季進行大換血，新加盟嘅千葉市原中場佐藤祥、後衞伊藤槙人、大分三神中場兵働昭弘、新潟天鵝中場羅美路法蘭克同名古屋鯨魚後衞佐藤和樹上仗悉數擔任正選，但表現一般只能同京都不死鳥打和，球員間似乎仍需時間磨合。

櫻花上周作客小勝町田澤維亞，入波功臣係由鹿島鹿角新加盟嘅後衞山村和也，而一眾新球員好似前鋒列卡度山度士、文尼希、杉本健勇同FC東京後衞松田陸都有正選上陣。由巴素利回歸擔任新隊長嘅射手柿谷曜一朗更踢足全場，今仗面對蜀葵有望再贏，櫻花小讓平半捧上盤。

（周日中午12時開賽）