曼城歐聯前夕玩大佢

猪拉多纳

每逢臨近歐聯前夕嘅聯賽，肥叔總會提醒大家，要特別小心參加歐聯嘅球隊，是日重心推介係英超早場，護級心切嘅諾域治主場迎戰「4哥」曼城。場波睇落就強弱懸殊，但「藍月亮」個心已飛咗去下周中歐聯度，不過諾域治近況亦欠佳，諗過度過之下，都係覺得入球大更加好路。

（now 621周六晚8時45分直播）
對諾域治例多波入

上周肥叔貼皇馬大盤，最終「銀河艦隊」贏夠7個1皮，既然咁旺，今周決定再搵「大筍盤」。英超早場諾域治對曼城，「金絲雀」近10仗未贏過之餘輸咗9仗，真係曳到冇朋友，就算有護級任務都揀唔落手，不過曼城下周中有歐聯後顧，於16強次回合主場對基輔，話就話依家領先3比1，但始終歐聯大過天，稍為分心亦屬人之常情。睇埋初盤曼城要讓一球，平時就一定捧佢哋，但呢場係歐聯前夕嘅聯賽，而且「藍月亮」今季客戰水準飄忽，單計近10仗作客聯賽，佢哋只係贏得2仗咁大把，毫無勁旅風範，上盤唔多靠得住。反而雙方近8次交手，有7次嘅總入球達3球或以上，加上「金絲雀」近4仗主場賽事全開大盤，肥叔認為入球大更加可取。