曼城鬥基輔「細」揼波鐘

猪拉多纳

另一場歐聯16強次回合比賽，首回合作客3:1擊敗基輔戴拿模嘅曼城，今晚回師主場再鬥呢支烏克蘭球隊。「藍月亮」上仗聯賽作客諾域治被對手悶和0:0痛失2分，不單打擊爭冠機會，就連前4位置隨時不保，相信領先兩粒下會歎慢板，入球中位細開2.5/3球，1.9倍細值博。
留力曼市打吡搶分

曼城剛喺上周末被諾域治悶和後得51分，落後榜首李斯特城9分之餘，仲被第5位嘅韋斯咸追至得番2分差距，前4位置變得危危乎，最慘嚟緊仲要同宿敵曼聯上演「曼徹斯特打吡」，「紅魔鬼」依家排第6都要為下屆歐聯資格而戰，到時肯定會搏老命，相信領隊比歷連尼亦清楚形勢，今仗未必會落柯打搶攻，反而採取控球在腳消磨時間，保留球員體能，咁嘅情況唔好旨意「藍月亮」會刻意爭取入球。

對手基輔今仗必須攻入3球先才有機會晉級，之但係呢班波過去13次造訪英格蘭球隊，只係攞到2和11負差勁成績，包括今屆分組賽1:2不敵車路士，想反撲睇怕都有心無力。再睇埋佢哋今屆3場歐聯作客賽事開出2口細盤，呢鋪對住歎慢板力求不失嘅曼城，好難出現大手交易場面囉。