前線重現SSS風采 利物浦爭聖玩鋪大

猪拉多纳

國際賽期過後，英超又戰火重燃，「一哥」利物浦將會作客修咸頓，紅軍今季火力強勁，菲臘比古天奴、羅拔圖法明奴及沙迪奧文尼等人射到着晒火，踢咗11輪喪轟30粒，即係場均入球接近3粒；「聖人」修咸頓出晒名硬淨，主場迎戰唔會坐以待斃，中位數2.5球嘅大盤有1.72倍，真係早買早享受！（Now 621及LeSports HK應用程式周六晚11時直播）
11輪聯賽喪轟30粒

紅軍領隊高普經過年幾嘅重組工作終於捱出頭來，上輪主場大破屈福特6比1後，正式坐正成為英超「一哥」！紅軍今季成績咁好，全賴前線組合嘅火力，近12場所有比賽保持不敗，拎到10勝2和佳績，單計英超11場就已經射入30球，最恐怖係得分點多，當中菲臘比古天奴、羅拔圖法明奴及沙迪奧文尼3人就貢獻咗17球，其餘中場安利簡恩及韋拿杜姆等都識入波，真係唔知守得邊個！隊長佐敦軒達臣近日就大讚呢班鋒線組合，話足以媲美2014年由蘇亞雷斯、史杜列治同埋史達寧組成嘅「SSS」組合添！

利物浦今場未必可以夫添出擊，英格蘭中場拉爾拉拿早前代表國家隊友賽西班牙時受傷，暫時未知趕唔趕得切今晚「倒戈」對修咸頓，另外菲臘比古天奴亦傳有微傷，歸隊後被影到喺醫院出現，相信係進行掃描。不過之前都提過，紅軍勝在火力點分散，就算上述兩人真係缺陣，紅軍嘅入球能力亦唔會有太大影響。
修咸頓夠硬淨必駁火

主隊修咸頓實力雖喺利記之下，但佢哋嘅主場成績唔差，近10仗主場拎到7勝2和1負，主場威力有番咁上下！睇番往績雙方上一次交手時，「聖人」喺主場就贏對手3比2，綜合各種因素，今晚入波點會少，中位數2.5球嘅大盤絕對係明智之選！