邦理揀馬：鎗臣截擊叛將

魑魅魍魉

　　第九場三班1400米﹕「鎗臣」上仗轉賀廐初出差點贏馬，這匹以往宜跟前跑之馬，改為稍留鬥後勁亦有出色走勢，明顯是進步表現，季中曾小休體力佔優，同場快馬多應有正常甚至偏快步速，於A欄尾段場次排外檔更啱追，用梁家俊減五磅之餘，跟前廐侶「齊歡唱」同場亦必更具鬥志，宜優先捧場。「超群如意」上陣以來全入前四名，稍休個多月等大賽日復出，三甲穩佔一席。「綠色駿駒」上仗走勢稍令人失望，不妨當作回氣賽，方廐馬初戴眼罩成功率高，配柏寶值得憧憬。「普梳王」前仗贏馬姿態出色，上仗可能敗於不合變化地，今日如場地正常要拖埋。

　　第十場一班1400米﹕「雅雪」同程威力不用多說，上仗喜見早段稍留下仍輕勝，可見戰鬥力進一步提升，當打PPG精英銳氣冠全場，首選之材。「正黃旗」前仗初出追近後，上場雖賺快步速下後追跑第二，但蹄下敗將「愛跑得」再出上名，證明賽事水準不差，負磅仍輕有力跟「雅雪」串翻版Q。「光輝出擊」泥草地賽事皆宜，自購馬已完全適應水土、「金獅威將」重戴眼罩或會帶來新鮮感，均要留意。

Wyson