MSN冇N巴塞捱細界

猪拉多纳

地上最強變和波專家

巴塞隆拿將於今晚西甲早場率先登場作客奧沙辛拿，「地上最強」巴塞隆拿近期變「和波專家」，聯賽已經3連和，歸根究底主因鋒力下降。屋漏偏逢連夜雨，「MSN」鋒線之一嘅尼馬今場停賽，令巴塞入波能力再打折扣，就算贏波都係小勝居多，中位數3.5球嘅入球細有1.82倍相當抵玩。

（Now 632周六晚8時直播）

巴塞隆拿近期聯賽不斷失分，悶和馬拉加0比0後，又打和皇家蘇斯達1比1。上輪「國家打吡」鬥死敵皇馬，即使先開紀錄，但亦錯失多次入波機會，遲遲未能拉開紀錄，最終畀皇馬尾段逼和1比1，可見呢支衞冕球隊埋門把握力大不如前。最令人費解係教練安歷基喺周中歐聯例行公事對慕遜加柏，仍然派出美斯踢足全場，隨時用殘呢位阿根廷球王，影響今場發揮。另1位星級射手尼馬攞夠黃牌今晚要停賽，無論派邊位隊友頂替佢嘅位置，都難以發揮以往「MSN」鋒線威力。
奧沙辛拿決心「泊大巴」

奧沙辛拿現時排包尾形勢水深火熱，今季聯賽主場7戰未贏過，只入得4球，係主場入波最少嘅球隊，加上球隊近4仗聯賽全敗，合共只有1球進帳，相信無力對巴塞構成威脅。不過佢哋防守唔係想像中咁差，近6仗總入球有5次屬3球或以下，今仗雙方實力懸殊，更加會令奧沙辛拿全心「泊大巴」死守，令巴塞難以取得更多入球，加上奧沙辛拿上次主場對巴塞，成功守和0比0，中位數3.5球嘅細盤值得一博。