旺舖福星馬主補中

魑魅魍魉

上次「旺舖福星」廿五倍爆冷開齋，正當馬主蔡銘臣大嘆走寶之際，今場再出馬主即刻臨場買番多少，好彩隻馬都好生性，馬主蔡總算贏些少當補數。雖然蔡生話擔心隻馬暫時進度未十足若升三班唔夠跑，但蘇保羅即刻向佢大派定心丸，話隻馬全熟之後可以跑到二千，今場增程千六即贏馬，證明佢睇法無錯。
蘇保羅仲話，下一場將會幫隻馬報跑千八，話晒隻馬係愈長愈好，增程當然無問題。贏完如果加五分仍然可以留砜四班，不過即使升三班都唔驚，羂輕磅仲好，期望都可以照贏。