朝早有動靜：葉楚航柏寶齊搏殺

魑魅魍魉

　昨朝為周日沙田草泥賽排位之期，韋達及柏寶兩位前領騎師不約而同勤力操馬，例如柏寶親試葉楚航馬房「闊袍大袖」、「漸信良駒」、「紅日」及「三和之星」四匹參戰馬。課後騎練二人在沙圈會合，商討一段長時間，兩人神色凝重，明顯十分重視周日一戰，兩人今戰合作四駒，提防聯手大舉出擊。

    　另一邊廂，文家良攻勢停不了，剛戰雖未能多添一場頭馬，但有五駒跑入三甲，可見馬房拼勁可嘉。今次賽事文廐派出七駒，其中以第二場四班泥地1200米的「馬皇帝」最值得留意，這匹質新馬近況冒勇，昨朝由黎海榮考驗單跳兩段，步姿暢順，馬身結實，火氣冒升，已具備作戰水準，牠上仗同程大熱死火，全因出閘緩慢，而拼敗後備戰相當積極，上月出試泥閘，出閘反應極敏捷，按實跟返，走勢成熟有進步，今次易配黎海榮上陣，可望交出應有水準，打開勝利之門。

　    動態方面，文家良更在烽火台全程舉鏡吼到實，而當人馬步出跑道前一刻，亦不忘趨前向鞍上人交帶指示，在課後，又與騎者商議一輪，單睇騎練二人的動態，今戰擺明要收復前失。

韋柏