特寶樂小方再捧盃

魑魅魍魉

香港馬再一次成功衝出香港，「綠色駿威」賽前雖被睇淡，仍擊敗擂台躉「火箭人」，勇奪國際短途錦標，揚威新加坡。訓練此駒的方嘉柏貴為兩屆冠軍練馬師，早前以「極品絲綢」首奪打吡，如今又初嘗海外一級賽勝利，連番作客取得突破，今晚重臨起家福地快活谷，派「特寶樂」爭逐跑馬地銀瓶，大可將捧盃旺勢延續返主場，繼續擔當主角。
       
特寶樂今年初贏谷中一哩，及後四戰亦全上名。

方嘉柏：「特寶樂」年初輕勝二班谷草一哩後，往後四戰皆位列亞季，始終未再贏，很大程度是受制於磅位過重。
       
方嘉柏：星洲贏完香港又贏，一樂也！
換梁家偉可勝任

有見及此，繼前仗選配楊明綸後，今戰找來梁家偉執韁，減夠十磅，希望藉此提高爭勝機會，此駒易於操控，又慣於谷中作戰，情緒淡定，而且跑法簡單直接，一味靠放搵食，梁家偉騎功不差，相信必可勝任。埋門已交由騎者試一課泥閘仄準，加強人馬默契，備戰工夫做妥，憑輕磅之利有力放到。
       
王志偉
璐悅恃輕再放到

王志偉：「璐悅」剛戰把握有利檔位，沿途輕鬆領放，最後被「沙貝利」及「愛跑得」趕過屈居季軍，觀乎末段仍保持不俗走勢過終點，表現已令人滿意。儘管此駒目前評分正處高位，但牠勝在跑法主動，今戰扳長至以往曾上名的谷中千八米，埋門經過一輪打磨，狀態已及勇境，配合五檔好位，大可憑輕磅之利重施故技，有權偷襲成功。
       
大摩
卓爾非凡唔驚轉場

大摩：「卓爾非凡」早具豐富作戰經驗，曾於法國多個不同馬場上陣，習慣南征北討，並擅於在陌生環境出賽，今趟即使首次在快活谷上陣，場地適應方面應該不成問題。撇除打吡大賽，馬兒近仗表現比初到埗時穩定得多，連場僅以短距離落敗，與勝利之門只是一線之隔。谷戰對手普遍較弱，得好檔之助，初次轉場大有機會一擊即中。