華哥睇《東方》做大地王者

魑魅魍魉

「有東方，冇窮人」，東方馬經貼士水準極高，內容又豐富，難怪梁定華都係《東方》嘅忠實讀者。
       
梁定華揸住《東方馬經》，讚不絕口。

啱啱禮拜三晚華哥同主帥都爾齊齊憑「威威福星」同「贏啲啲」起孖，尋日朝早自然心情靚靚啦！八點鐘左右，華哥喺烽火台趁得閒，攞份《東方馬經》嚟睇，除咗睇吓賽後關於自己嘅威水報道，仲睇埋入面啲晨操猛稿，當華哥睇到禮拜日跑第九場三班千二米隻「大地王者」張晨操靚相，就猛咁同在場嘅攝影記者讚好，話《東方馬經》認真識貨，大字標題話呢隻馬日趨成熟。既然華哥開金口畀貼士，大家識點做啦！