何家駒讚蔡太買馬勁

魑魅魍魉

蔡約翰太太嘉美每年間唔中都嚟香港幾次，幫老公處理馬房工作，雖然呢排就少見佢露面，但其實佢只不過喺澳紐專心為馬房選購馬匹，而昨日第二場勝出嘅「川河勁駒」，就係由蔡太挑選，馬主何家駒賽後大讚佢功不可沒。
       
川河勁駒初出大勝，韋達贏到向後望，姿態驚人。

馬主何早年名下嘅「得天獨厚」曾經跑過打吡，可惜之後嘅「川河」系馬匹，表現就令佢相當失望。
       

昨日初次上陣嘅「川河勁駒」以睇定嚟食嘅姿態，大勝三又四分一馬位，重燃佢養馬嘅信心。