馮諾嘉手記：友利多復甦咪睇小

魑魅魍魉

　　與朋友講起「好爸爸」一再轉倉，姑勿論馬主袁仕傑是否難招呼，但佢係老闆畀得起錢養馬，信風水也好，要轉倉也好，他有這個權利，練者亦可以選擇接手他的馬與否，小妹反而認為薛達志嘅協議，出發點實在奇怪，若如外間所述，佢要求馬主撥出去年香港一哩錦標「好爸爸」奪冠嘅部分獎金作為佢自己同馬房員工嘅補償，而當時匹馬係由告達理訓練下贏馬，與薛達志何干呢？

　　就算當時「好爸爸」真的仍是在薛廐訓練出賽，能否保證同樣可以奪冠呢？「好爸爸」轉倉後，薛廐先後有23駒被拉走，但馬房太耐無頭馬交出，馬匹轉倉有何出奇！怎可以歸咎於「好爸爸」轉倉一事？開季至來，練者只勝出九場頭馬，假如練者有實力，甚麼馬被拉走都唔怕喇！弄致馬房士氣低落，小妹相信最大原因是馬房內人事關係，這份協議內談及索取補償嘅理由實在難以理解。

　　第九場三班1200米，「友利多」上場三班田草1400米，強配柏寶領放下只係以四分三馬位輸畀「高手」，狀態復甦，今場有權取得久違的頭馬，配腳拖近三仗非冠即位嘅「開心自在」；「風動寶」上班負輕磅有利要拖；「輕輕鬆鬆」初出差點即勝，有質素，四連環揀多匹「新蝦王」。

　　尾場二班1600米，「正毅」回配韋達，預期可跑入前列，配腳拖連番入位嘅「卓爾非凡」；「零距離」轉告廐初出亦有權跑近；多拖一匹走勢愈來愈好嘅「非常好」，四連環揀多一匹「喜威寶」。