一路奇兵補出殺晒

魑魅魍魉

近排後備補出馬經常有好表現，繼上周三谷戰「龍武軍」補出跑入一席大冷Q腳之後，尋日頭場老蔡件「一路奇兵」做咗「後備殺手」，補出上陣即由蔡明紹打開勝門。不過，「一路奇兵」獨贏派彩只得62.5元，其實唔算好分，事關除咗後備補上有疑點，再加上蔡明紹今季為蔡神仙効力兩次都唔掂，真係好難買得落手㗎！
       
蔡明紹（左二）首次為蔡廐贏馬。

馬主胡兆康賽後話「一路奇兵」今場贏在對手弱，而愛駒自從早前放完草，狀態愈來愈好，跑到第七仗終於開齋。