輕輕鬆鬆捧盃話咁易

魑魅魍魉

今季最後一次谷草日馬，難得愛駒在市區馬場上陣又毋須等到天黑，馬主們捧場自然輕鬆得多。講起輕鬆，列陣第八場三班千二米香港交易所盃的「輕輕鬆鬆」，在港首次上陣已於谷草千二米入Ｑ，路程早有根據，今回師此程，更在配備方面落足心思，想捧盃？話都冇咁「易」！
       
輕輕鬆鬆在港初出僅不敵大旋風，早已證明谷千二合跑。

呂健威：「輕輕鬆鬆」來港早期非常稚嫩，亦有點脾氣，但經過一段時間適應，並改戴眼罩及頭罩後，馬兒跑來明顯規矩得多，陣上表現亦有長足進步。剛戰初跑田草千二米，面對陌生環境，兼遇上惡劣天氣及變化場地，依然拚入亞軍，值得嘉許。復課後此駒狀態更上層樓，回師谷中跑千二米，既然此駒在港初出已於此程跑第二，重遊舊路當然沒有問題，再配合三檔好位，機會樂觀。
       
活力至寶仲咁弗

勞愛德：「活力至寶」前仗初跑谷草千二米，即在我胯下一放到底掄元，馬兒該役走勢令我留下深刻印象，並認定牠必擁高質。由於白德民隨「鳥語花香」遠征，今次難得可讓我再有機會策「活力至寶」出賽，實在喜出望外，排位朝替馬兒作最後試跑，試來反應良好，狀態並無因連場拚搏而回落，只要克服不利的十一檔，力足再贏。
       
大衛精神加罩正

黃汝安：「大衛精神」只跑過兩仗，表現均令人滿意，尤其熱身後上回再出，競賽能力明顯提升不少，末段如飛殺上追入殿軍，走勢令人眼前一亮。無疑此駒絕非短途馬，再跑千二其實已嫌短，勝在質新冒勇中，埋門再由韋達省起狀態，可補路程不足；再參考來港前兩次戴眼罩贏馬紀錄，今特意為牠增添配備，可更集中精神作賽，有望更進一步。
       
心中有勁體力夠

鄭雨滇：早前雖因傷退出過，經上場熱身後「心中有勁」復課工夫明顯加強，埋門三課拍跳走勢討好，已重拾佳態。此駒今年內只跑過兩仗，體力方面佔盡優勢，由於牠近仗未能交出以往的前速，今次特意重戴眼罩上陣，希望可以跟守較有利位置，畢竟此駒季內曾於谷中千二米跟「美猴王」串Q，路程性能有保證，恃輕磅之利可偷襲對手。