賠率有路捉：心中有勁早飛硬淨

魑魅魍魉

　　　　第八場三班1200米，眾人重心都放喺「活力至寶」、「大進」，又或者韋達嘅「大衛精神」身上，邊有人會留意「心中有勁」。何況「心中有勁」連續兩仗大敗，而且呢兩仗賠率都好冷落，但出奇地噚日早飛，居然只得76蚊W，23蚊P，比預期熱得多，似乎有人睇好呢隻馬重戴眼罩會有計，事實上佢早前初戴眼罩即喺同程力追「美猴王」串Q，再配合埋早飛，今日一定有計。

　　　　第二場「清新空氣」又係熱到離晒譜，啱啱周三出賽仲係19倍冷門，但噚日早飛居然得34蚊W，11蚊P，熱到買唔落手，仲可以話孭起晒成日彩池，反映有人信心強到不得了。

　　　　騎師王方面，韋達同柏寶爭緊冠軍騎師，騎師王非此即彼，而韋達手馬其實唔比柏寶弱，既有「千兩寶寶」、「奄尖大少」，又有「印度光輝」同「旺家多寶」，賠率好分咁多，梗係捧韋達喇。

周仲