24廐尋寶：賀賢喜連珠炮發

魑魅魍魉

　　【本報資料】賀賢於04/05年度馬季來港開倉， 每季成績都十分平穩，且搏馬往往喜連珠炮發，每當馬匹操起狀態後，便會在一、兩季內盡量數胡。以往賀廐便有「再勝多」跨季十二仗上名，亦有「歡笑星」一季內用盡，六戰取得四冠一亞一季。

歡呼星值得長追

　　上季賀廐亦有「歡呼星」連珠炮發，在最後六仗取得三冠兩亞一季，既然此駒加眼罩後連仗出色，且配牌仔何澤堯亦贏得輕鬆，以賀賢一向搏馬手法，估計今季仍然會繼續盡用，可追到斷纜為止。

　　不過，賀賢訓練北半球馬手法則較為慢熱，一來由於英愛馬成長需時，二來練者亦要時間揣摩各駒特性。如「悅璐孖寶」來港後首兩季一直被賀賢安排跑短途賽，明顯只求減分，到上季增程跑中長途才連珠炮發，結果取得兩W三P。如果馬房手法冇變，四歲的「俊威威」便要留意，上季來港後不斷跑短途，令評分減至目前的56分，其實此駒在英國服役時是贏1600米，提防屬「悅璐孖寶」翻版，今季有權連番報捷。