精密紡增程仲好

港陌

開鑼日黎海榮獲7匹坐騎，計量不算多，但實力則不俗，其中「精密紡」乃狀態最弗的一匹。此駒首戰即增程，與慣常季初縮程的部署大唱反調，不過黎海榮信賴姚本輝的判斷，增程只會更好，大有機會成為他今季首W。
  
「精密紡」試閘第二，走勢輕鬆，成熟勝前。





暑假由黎海榮一手摸實的「精密紡」，早前試閘跑第二走勢可人，難怪備受騎者重視。季初馬匹新鮮感重，練馬師通常都部署縮程，但姚本輝卻大唱反調，替「精密紡」增程跑1600米，而黎海榮對輝哥的判斷則百分百信任。他說：「『精密紡』可算是我開鑼日狀態最佳的一駒，試閘走勢相當不俗，論馬上季尾已見不斷進步，今場排檔理想，對爭勝必有幫助。在輝哥心目中，一早已認定『精密紡』為中長途材，相信他的專業判斷，今次增程絕對有的放矢。」
  
聽日開鑼記得捧我場呀！




除了姚本輝之外，黎海榮亦替師傅何良効力兩駒，其中「愛蓮說」更被騎者寄予厚望，榮仔說：「『愛蓮說』略為遲熟，幸而經過暑假已漸見進步，埋門快跳走勢對辦，狀態起得不錯，稍嫌均速型排外檔不太理想，希望能克服形勢，為我帶來頭馬進帳。」
  
齊齊掂人馬重逢


另外，黎海榮亦獲梁定華關照，執掌「齊齊掂」帥印，上季尾人馬曾合作上名，今次故劍重逢，騎者表示此駒雖年紀老邁，但近期試閘走勢不差，老馬亦有可取之處，就是水準穩定，殺入三甲絕非奇事。