賽績準到無倫 天久首先捧盃

博彩老头

回歸以來，馬季開鑼日例牌重頭戲乃頂班千二米特首盃。今屆環顧全場，最可靠馬匹非「天久」莫屬，同程三戰冠亞季各一全入三甲，在港六戰更悉數上名，賽績穩如鐵塔，今季「首」先捧盃者，捨我其誰？
  
天久來港首季六戰全上名，必擁高質。


新力勁級數秤先


白德民：既然「新力勁」上季可於田草千二米平磅賽與馬王「蓮華生輝」串Ｑ，跑此程必具威力。今仗掛頭牌孭133磅出賽，形勢不算有利，幸好馬兒身形龐大，減低重磅帶來的影響。狀態方面，此匹七歲馬埋門愈操愈靚，最近一課草閘走勢吸引，再配合二檔好位，有力憑級數擊敗對手。
  
白德民

開心歡笑休出掂


李易達：由於馬房今季較遲開操，部分馬匹狀態暫時未達水準，唯獨「開心歡笑」本身擅跑新鮮，季初狀態起得甚快，不論火氣及收身均已及爭勝水準。目前評分雖無優勢，官仔馬勝在休出威力大增，並獲得冠軍騎師韋達垂青，且看能否趁第一回合對手狀態未足，成功衞冕特首盃。
  
李易達

好友福新鮮啱追


勞愛德：雖然「好友福」上季尾兩度挑戰分級賽均未能上名，只是連拚後體力下降而已，以此駒質素，相信牠仍有力更上層樓。今季開操後，「好友福」快跳及試泥閘俱佳，狀態令人滿意，日後或許以千四或千六米較合，今仗憑新鮮感跑千二米更具威力，只要步速正常，有權後上殺敵。
  
勞愛德




方嘉柏：「天久」上季六戰獲3W3P，演出極之準繩，以一匹三歲愛爾蘭自購馬能於在港首季有如此演出，實在非常難得。今季開操後「天久」保持良好進度，經過早前一課嘉年華一千米草閘，馬兒狀態進一步提升。今次雖然初次由柏寶執韁，但我相信此駒合騎者檔子，加上負磅不算重，希望此匹忠心馬維持穩定演出，為我捧走特首盃。