數據人生：搏得過殺機已露

猪拉多纳

　　經過兩日賽事後，方嘉柏累積五W暫居練馬師榜首，依然保持一貫急先鋒作風；另外，亦有不少中小型華倉喜歡於季初打快攻，務求盡早取得成績穩定軍心，其中吳定強予人印象較慢熱，但其實上季早在九月已交出兩冠兩亞一季一殿，而今季部署一樣，開鑼至今共派七駒上陣並得三亞一殿，可見有心搏殺，只是稍欠運氣而已。

馬少場合易出冷

　　周日吳定強替六駒報名，對此廐而言已算大堆頭，其中以「搏得過」最合心水。第一場五班1000米，低班場合原以為會有較多馬匹參賽，但最終只得十匹馬列陣，而從近兩日賽果所見，馬少場合反而爆得更犀利，如周三晚第二場出馬十匹爆過千元冷Q、第三場全場最冷的「風雲勇子」跑第二，便知有時候此類場合的熱門並非特別可靠，故此這場低班直路賽，不妨向有分頭之馬埋手；「搏得過」全場最低分之餘，又排於跑直路賽不利的二檔，預計臨場必有賠率，看來反而值得吼實。

評分有利可反彈

　　此匹自購新馬前季初次上陣，雖然八戰全輸，但最熱一仗仍有37倍，便知幕後全無攻堅決心；上季求仁得仁減至31分居五班起步，結果即有不同表現，全季六戰得兩亞及一席第五，並先後在泥及草地上名，證明已適應水土之外，評分方面亦有一定着數。

　　最重要是上季「搏得過」兩度跑第二時，頭馬分別是「勁駿」及「辣得喜」，該兩駒接戰均再下一城，可見「搏得過」現評25分必具爭勝能力；另一方面，最近三次勞愛德騎吳廐馬均入Q（見表），看來已集齊捧場條件。

歐陽志恆