高清睇跑馬：睡得好再下一城

魑魅魍魉

　　「睡得好」外地戰績出色，故來港後被評88分，可惜未能適應水土，遲遲未能打開勝門，但上季尾由苗禮德接手之後，卻仿如脫胎換骨，演出一仗比一仗接近，到上季總場次744終於順利贏馬開齋。

上季贏馬締速佳

　　該仗「睡得好」出爭谷中1650米，排十檔起步卻未有受到影響，出閘後三扒兩撥已進佔前列好位，入直路撻着後更勁如炮彈，輕鬆拋離所有對手，並且贏到「駕馭」、「奄尖大少」等駒全無還擊之力。再看此駒所造的時間，居然快至1分39.37秒，盡顯其實力之強。

　　上仗「睡得好」季內初出，於總場次34出爭谷草一哩，出閘後守在二叠的四、五位競逐，轉直路彎時移出三叠望空，輕輕推騎下即交出絕佳反應，最後一鞭不打之下仍大勝四個幾馬位，反映實力較上季更上一層樓，賽後被加13分亦不為過，今戰吼準首本路程再上陣，再贏冇問題。

　　另外，「好旺財」近八戰全入頭四名，共獲一冠四亞兩季，演出準得驚人。上仗此駒在總場次49出戰谷草1800米，賽前被捧為兩倍不到的大熱，結果飛到馬到順利開齋，而且姿態輕鬆。

　　當日「好旺財」出閘後全程咬實放頭的「創新高」，去到轉彎中段更越過後駒，當時韋達仍未有任何動作，入直路後才開始推騎，結果馬兒反應一絕，輕鬆先過終點，反映今季進步極多。今戰原班人馬續爭贏馬途程，且排一檔起步，連捷在望。

Sam