洪禮賢講馬：多多寶馬 三班橫行

魑魅魍魉

　　第九場三班1200米草地。「多多寶馬」9個月冇跑（上季3月曾腳痛），交得番幾多水準難定，但上季3月停課唔夠3個禮拜之後，經已全面復工，5月尾獸檢pass埋，嚟到今季在準備上冇咩疏落，大閘、拍跳、單試有齊晒，如果嚴格嚟講，早前大閘係要挑剔，出閘唔sharp，以及末段唔夠貫注。好在有多半個月趕工，令進度得以再提升；休出揀此程啱發揮，重磅和外檔係會帶來負面影響，但贏得「傾力之城」嘅馬，二班都有得撼，何況喺三班！

　　第十場二班1400米草地。上賽淋地整瓜「正黃旗」，一如騎者所講，隻馬展步未如操練和試閘時，沿途「丫」開個口，唔自在嘅舉止十足十去季尾輸嗰場，所以輸幾遠冇任何參考性。只要周日冇雨，場地正常，以佢目前狀態，要爭一席唔係難，始終曾以快時間與「雅雪」埋Ｑ，後駒新近喺級際賽都到個Ｐ，相比之下，試問「正黃旗」輕磅在二班點會冇so！