黎海榮返港威上加威

博彩老头

為咗祝賀「極奇妙」喺上周日勇奪日本短途馬錦標，為港爭光，馬會尋日就喺沙田馬場亮相圈搞咗個慶功儀式，表揚一下馬主、練馬師同埋騎師。
       

作為第一個騎本地馬揚威海外一級賽嘅本地薑，黎海榮除咗有獎攞之外，尋日喺第二場騎隻「上浦駿將」影贏對手，幫隻馬再下一城，旺氣逼人。賽後連呂健威話轉彎嗰陣都未見到「上浦駿將」入鏡頭，自己都有啲擔心，好彩步速夠快啱追，榮仔又騎得落力，率之贏多鋪，佢話如果繼續遇啱形勢，呢隻馬喺四班仲有餐士。