楝悉先機：蓋世子牙師兄出馬

魑魅魍魉

　　攞起個排位表一睇，阿棟今晚最like兩個馬房，1個係何良，另1個係方嘉柏，前者開季係威係勢，直落四個賽日有馬贏，之後都靜咗一排，幾期冇頭馬落袋，眨眨眼原來已經大半個月，睇佢今期出成7匹馬咁多，話冇意圖一定唔信。後者出名係谷中霸王，呢期仲成隊兵「揚」出嚟，點會冇料到。

　　第一場五班1650米。「我跑得」在五班的處境，根本唔怕任何對手，如果唔係，上季不會差啲全部入晒前列，跑10場只得1場冇三甲，以1匹五班馬嚟講，簡直係異數，三兩季也未必有1個咁嘅例子。講番此駒，1千磅左右之馬，唞完暑有足夠體力，一定有幫助。而排5檔想放或留都容易處理，打埋王牌上陣，更覺有決心。

福喜搏盡交代

　　第五場第三班1800米。「福喜」曾經足患嚴重，但今季可以連場有好成績交出，練者保養應記一功。此際正值當打期，未交代之前一定唔會手軟。至於形勢方面，來來去去也是同一批馬，只要本身發揮沒有問題，在今場確係舉足輕重分子。

　　第六場三班1200米。「蓋世子牙」1200米一定短，跑完今場應該會轉番一哩，不過，佢喺三班實超，未加程係想博賠率，當然跑此程會比直路賽好。肯用番大師兄，睇配搭已露玄機，只要今場早段唔慢，佢後勁咁強，追到上嚟真係唔覺出奇！

點買法

　　谷草跑B 欄， 有時揀馬幾艱難。想買後追馬， 又怕追唔切， 檔位差啲，隨時凍過水。所以， 揀重心場合要第五場，「福喜」賭W P，Q 就拖方仔一對「鎖定目標」和「勝利福星」，另外， 上場成績有進步嘅「星際雄師」亦要兼顧。買Ｔ要埋& 、+ 。

陳華棟