馬主論戰

魑魅魍魉

文武維揚冇對手

　　柏寶、韋達兩大師傅今晚都手執惡馬，我睇好佢哋有頭馬進帳。

　　柏寶坐騎之中，要吼第三場「文武維揚」，上場排大外檔起步，末段衝上嚟勢兇夾狼，今次再跑1000米排番中檔，應該冇乜馬夠佢跑。

　　至於韋達坐騎之中，要留意第五場「活力奔騰」，中長途馬上仗增程跑1800米即打開勝門，姿態仲好輕鬆，今次轉嚟谷草跑番1800米一定啱發揮，可以再贏。

張敬山

安國倫演出耀目

　　剛啱安國倫贏「全德勝」開齋， 騎起上嚟有板有眼，騎功應該唔曳，今次佢雖然只得兩匹坐騎，但話唔定可以再贏。先講第六場「耀目」，今次跑1200米無疑稍嫌短，但係趁季內初出有新鮮感，未必應付唔到，有分頭可以一敲。至於第三場「生豪」，上季尾跑谷草1200 米輸唔遠，證明有一定戰鬥力，若然暑期後有進步，隨時會有驚喜，用安國倫操刀必受忽視，值博。

任達華

谷草一哩我跑得

　　跑馬場馬場彎急路窄，都幾考馬匹平衡，唔係每匹馬都應付到，所以刨馬時不妨向一啲路程專家埋手。

　　最啱心水係頭場「我跑得」，以往跑過11次谷草一哩，取得兩冠六亞三季，上名率高達百分百，演出咁準冇理由唔捧場。另外鍾意第七場「鵬力洋洋」，以往跑過兩次谷草一哩全部贏晒，擺明係路有專長，今次再跑此程兼搵嚟韋達操刀，我睇好佢可以保持全勝佳績。

寇鴻萍、梁廷鏘