高清睇跑馬：吉利多轉場開齋

博彩老头

　　「吉利多」今季跑過四仗，全部得第二，未能勝出雖然令人有點失望，但開鑼日跑田草1400米之役，僅以頸位輸給「芙蓉威龍」；前仗跑田草1600米，亦不過以短頭位飲恨，證明在四班必夠贏。

上仗入Q表現佳

　　上仗「吉利多」在總場次106出爭田草1800米，雖然是季內輸得最遠一次，卻也是表現最好一次。一來，此駒首次扳上1800米，步速完全不同；二來，馬兒在陣上未施展最佳跑法，能夠入Q已算難得。當日「吉利多」出閘夠快，但柏寶一心留前鬥後，可惜由於內檔太多馬匹，未能進佔內欄兼要望空競跑。走至中段，柏寶索性改變策略上前，卻因此多用了馬匹氣力。不過，「吉利多」入直路後仍交出強勁衝刺，僅以個多馬位輸給「萬子千紅」得第二，表現出色。今次轉來谷草上陣，對手較上仗弱，係時候贏馬開齋。

　　另外，「好旺財」上季中開始踏入正軌，連續七仗跑入前四名，卻始終未能取勝。不過，踏入今季此駒戰鬥力更上一層樓，首仗出爭谷草1800米被捧為兩倍不夠大熱，證明有人信心十足，結果贏得輕鬆。

　　勝後「好旺財」僅被加七分，實在便宜莫甚，結果上仗牠再爭谷草1800米輕鬆取得連捷。睇番該役此駒排一檔起步，雖然未似前仗般大勝而回，但末段韋達其實睇住對手來食，擺明尚有大把在手。今次依然可在四班上陣，優勢明顯，要取得三連捷易如反掌。

Sam