洪禮賢講馬：讚惑 進步神速

猪拉多纳

　　第九場一班1400米。「摩法神采」初出已有提供，最終名次普通，輸在初出未夠態？唔否定有咁成因。之但係，賽前已指出，從今季大閘所見，明顯比上季兩次試大閘時好多多聲，因為上季試親大閘直情唔願郁，或者因為呢個緣故，自己放大咗佢上賽前嘅進度。但話時話，唔係跑到甩甩漏漏，名次肯定會調升三兩級，有獎金都唔奇，睇嚟佢喺94分起步唔算辛苦。

　　開完氣繼續跑1400米，肯係配件上調動，最終落場幫唔幫到手？跑過至知。但有兩點要留意，其一，上仗末段係有唔規矩，其二，昨朝試草地時，臨回程隻馬口擘擘唔多聽使（試起上嚟則好勢），所以，有配件輔助或會好。

　　第十場三班1400米。「讚惑」上場四升三班，兼由短途轉1400米，末段一樣可以睇住對手嚟食，賽績已帶出佢嘅進度，比起前仗勝後加分幅度快得多；只係加多4磅再跑，而相隔日子又夠，條件唔覺有咩影響，再Ｗ。