航哥睇埋明駿之寶先肯飛

魑魅魍魉

昨晨烽火台比平時周六加課朝更清靜，因為有唔少練馬師已飛赴新西蘭出席拍賣會。約六時許，葉楚航偕副練雙雙露面，坐下未幾即舉鏡觀看在內圈踱步的「明駿之寶」，動態頗為緊張。相隔十五分鐘又見柏寶到達，兩人好似一早約定咁款，甫碰面即在烽火台門前樓梯級開軍事會議，由於並非三言兩語可以解決，於是一個踎、一個坐慢慢傾，練者翻開手上馬簿指指點點，柏寶則睇到入晒神，看來是為着此駒而度計。航哥於今日賽後便直驅機場飛往新西蘭買馬，他未有跟隨同袍大隊一早出發，而要留港督師後再起程，相信對於今日一戰必有所圖。