賠率有路捉：十足十早飛硬淨

魑魅魍魉

　　第三場四班1650米騎師賽首關，賽前估計大熱落喺「八飛」身上， 一來有韋達，二來排檔又好，應該係馬迷扶手棍，不過「八飛」只係5.7 倍次熱門；「十足十」居然成為4.4倍大熱門，此駒今仗季內初出，冇近績根據，且鞍上人莫雷拉非常陌生，首次來港獻技，是龍是蟲跑過至知，普羅馬迷邊有信心咁早落定飛呢? 好明顯係一小撮有識人士所為，其實此駒去季演出好準，只有今季稍有進步，贏馬真係唔出奇。

　　頭場五班一哩，「濰坊」P 熱到得1.0倍，個案似足上周「封面」、「滙名燈」，以及剛戰「大把在手」，雖然過分咗，飛數壟斷成個P 彩池，但上述三駒全部有P，證明墊底飛有啓示，「濰坊」頭場穩膽。

賀喜有景轟

　　尾場二班一哩，大熱門係「國中之星」，上仗跑入亞軍有近績支持，44蚊W 好合理，不過大熱P卻落喺「賀喜」身上，此駒連仗落敗，居然成為17蚊大熱P，一定有景轟。

周仲