數據人生：傑出君子試準穩膽

港陌

　　國際賽過後， 明晚八場谷草並無盃賽上演， 最高分一場亦只是以85分為上限的三班1000米；不過，賽事好睇並不等於好賭，谷草出賽馬較少兼受檔位因素影響，揀馬時隨時可縮窄範圍，不似得沙田的千軍萬馬場合，揀完A後又驚會被B篤爆。

　　剛戰安國倫策六駒上陣，坐騎全屬下風馬，未有馬贏並不意外，但尾場策霍廐「何方神聖」的表現卻令人眼前一亮；這匹初出馬於六檔出閘後留守尾列，轉入直路後左穿右插而上，終點前在「人人興旺」及「加州萬里」之間竄上跑第二， 足證騎者膽識過人，明晚此子騎足八場，值得揀選捧場。

　　第二場四班1650米，新勝馬「財富之星」、「雪蹄靈驥」分別排九及十一檔，形勢欠佳未必輕易再捷，反而「傑出君子」排五檔，對這匹初跑谷草的五歲馬應有助，而且賽前曾於谷閘跑第二，再加上安國倫今季策告廐谷草一哩馬的表現甚準，宜作膽。

歐陽志恆