賠率有路捉：十足十要追多次

猪拉多纳

　　記得「十足十」上仗季內復出，隔晚早飛已經被捧成4.4 倍大熱門，該役只係抽到配莫雷拉，騎師非常陌生，加上首次來港獻技，是否懂得喺谷草發揮也成疑問，試問普羅馬迷邊有咁大信心呢?

　　此駒今晚再度上陣，而噚日早飛亦嚟得好硬淨，獨贏只得6倍，而位置更加係11蚊大熱門，好明顯係一小撮有識人士所為，佢哋仍然非常睇好此駒機會，繼續落定墊底飛。今晚扳到馬偉昌壓陣，估計賠率應該會回番上去，各位馬迷一定要多加留意。

　　早前講過隔晚位置熱到熨手1.0 或1.1 倍馬，表現好醒神，「封面」、「滙名燈」、「大把在手」及「陽明深心」全部有P，雖然亦有「勝任有餘」跑梗頸四，但整體表現非常好，證明強大墊底飛有啓示。今晚第六場三班一哩「傳奇快車」早飛一度11蚊P，一席位置應該好穩陣。

　　騎師王方面， 既然鍾意馬偉昌隻「十足十」，加上佢仲有「西域雄心」、「永同至尊」及「伽羅」三匹實力馬，吼得過。

周仲