賠率有路捉：勝利旋峰高一線P穩

猪拉多纳

　　近期成日提及隔晚位置熱到熨手1.0 或1.1倍馬，表現非常醒神，啱啱嗰期賽事「濃情」又有P，再加上之前「封面」、「滙名燈」、「大把在手」、「陽明深心」及「傳奇快車」統統非勝即位，雖然亦有「勝任有餘」跑梗頸四，但整體成績非常突出，證明吼實呢類馬搵到食。

　　今日賽事第四場「勝利旋峰」及第九場「高一線」正正係此類馬，「勝利旋峰」未出頭且賽績唔起眼，理論上冇人吼，但噚日早飛P 熱到得11蚊，好明顯非普羅馬迷所為，突然熱透必定有計。

　　至於「高一線」上仗久後復出跑梗頸四，但賠率唔硬淨，相反噚日P熱到1.0倍，好肯定矛頭放喺呢場，上述兩隻馬應冇W 有P，不妨作為Q 膽拖心水配腳。

騎師王揀馬偉昌

　　騎師王方面， 既然鍾意馬偉昌隻「高一線」，加上佢其餘場次坐騎都好惡，「旺當家」、「中環英雄」及「爪皇盛水」近仗都有好表現，今日均有坐位望贏機會，加上有分頭，捧得過。

周仲