楝悉先機：卡加大師返泥起筷

魑魅魍魉

　　近日賽事幾多大戶落飛得手事例，啱啱夜馬「科研精英」，各駒從亮相圈都未出晒跑道，啲飛已經湧出嚟，當時心諗慌死買唔到咩，使唔使一早已經有「燈神」出現喺電算機，而賽果話畀阿棟知，可能真係驚買唔切，所以呢班人寧願早落飛！有時呢類馬跟唔跟風，並無絕對，總之啱聽，跟番十元八塊，無傷大雅。

　　第三場第四班1800米泥地。「卡加大師」當日贏泥地一哩，係擊退弗緊「雙妙星」，泥地性能在此班必超，問題只係跑到1800米，會唔會唔夠氣？但有時見到部分馬，在泥地越程一樣掂，所以未必要太擔心。另外，上場此馬行圈未覺靚，行行吓有啲拖腳，希望跑埋上場會有進展。而今場突然轉番上手馬房用開並跑得好嘅面箍，起筷乎！？

富貴金龍三班着數

　　第六場第三班1200米泥地。「富貴金龍」首仗已有「腥」氣，跑落卻是另一回事，以為係笑料，點知再出贏到冇對手，二三名「大把在手」、「威威財星」，也不是流料，末段完全冇得鬥，實力相距太遠吧。照道理，此駒仍可在三班角逐，着數程度可知。

　　第十場第二班1400米草地。「軍事行動」一出已經跑第三，如果唔係要硬性執行策騎指示，沿途留得太後，以及入正直路一度冇位上，相信整場表現會做得更好，不過，由此證明，此馬一定係大賽武器。今場對手又係差唔多，冇話有咩關要過，篤定開齋。

點買法

　　如果獨贏以第六場和尾場串射， 唔慌有肉食， 萬一贏唔晒，呢條2 x 3可以仲要蝕，倒不如用第三場半冷門「卡加大師」做纜頭， 射「富貴金龍」。而重心QT揀尾場，「軍事行動」膽材， 腳拖2、3、11 、14 ，由於14 係次熱門， 建議買T時， 1 及14 做雙膽。

陳華棟