雷勁論戰：好旺財收復失地

港陌

　　沈廐「芙蓉威龍」季內長期有好狀態，且在谷中演出準繩，跑1200米更是其所長，近三仗在同程取得兩亞一季，未能贏馬只是欠缺多少運氣。不過，韋達對此駒仍鍥而不捨，今戰再為牠操刀，連同場新勝的蔡廐馬「競駿寶寶」亦放手不騎，可見心中有馬，可作今場重心。

消費王咪睇小

　　同場對手之中，除「競駿寶寶」之外，尚有摩廐「天賜福星」。此駒質新當起，只要起步順利，以其後勁有力後上爭雄。此外，「消費王」亦有多少冷味，前仗在沙田取勝之後，狀態保持甚佳，今次縮程跑1200米不會嫌短，可以爭入一席。

　　另外，出爭第六場三班1650米的「好旺財」亦要留意，此駒季內五戰獲三冠兩亞，長期保持好狀態，上仗縮程跑一哩，最終亦在韋達胯下走入一席第二名，僅敗在超級馬「生生不息」蹄下，可見近況仍出色。今番再爭同程，馬房指今戰強手已去，令「好旺財」的爭勝機會大大提升，有力一雪前恥。

　　同場對手方面，要吼實「金添好運」及「海力童」，前駒是谷中一哩好手，上仗狀態初起即跑入第二名，拼後加强打磨，狀態更靚，今戰應有進一步演出。至於「海力童」亦是必拼之馬，此駒上仗入Q，反映狀態已復勇，郭能行將離港，必會盡量爭取成績，有實力馬在手定會盡拼，可予重視。