馬場紅綠燈

魑魅魍魉

過年最緊要「開心」

　　賭錢最緊要識得跟紅頂白，姚廐「電光能源」剛於杜拜贏三級賽，可見馬房搏殺手風正順，今次賀歲賽日姚廐共出七駒，其中隸屬08/09姚本輝練馬師賽馬團體名下的「開心老友」，對上三仗共得兩亞一季演出準，匆匆再出必然有計。

健少

好旺寶唞夠出擊

　　「好旺寶」季內以六歲之齡一出即勝，算得上係蔡約翰代表作之一，此駒備受傷患困擾，幸好台前幕後有耐性，結果季內三戰得一冠兩亞。去年十一月賽前退出後，至今又唞逾三個月，但上仗可於「曬冷王」之前過終點，豈會冇分在手？

阿光

幸運來部署急進

　　苗禮德今季部署轉倉馬非常急進，如今戰的出賽馬中，便有「精英財星」及「浪漫添馬」均在轉倉短時間內贏馬省招牌；既然有路可捉，上仗轉廐初出即有P的「幸運來」便要吼實，該役在谷草一哩排外檔入位難度高，今日不妨秤先。

王其