馬主論戰

魑魅魍魉

龍城動力可補中

　　今日係我姪仔立生嘅生日，響度祝佢生日快樂、學業進步同踢波踢到好似美斯咁叻 ！ 講番心水，鍾意第九場「龍城動力」，上場初戴眼罩即刻入Q，證明戰鬥力唔曳，難怪今次惹到韋達垂青，若然喼到進度，可以在此開齋。重頭戲香港金盃，大摩出三隻，似乎志在必得，計實力同銳氣，都係「魔法幻影」可睇高一線，白德民揀騎更有信心，熱都要捧。

張敬山

方嘉柏繼續當旺

　　剛啱方嘉柏大舉出擊，除憑「火燎腚」贏馬之外，仲有四駒跑入位置，今日呢個馬房陣容都唔弱，我睇好佢繼續有馬贏。最啱心水係頭場「當旺」，前仗可同「歐洲動力」鬥到叮噹馬頭，響現評分唔會輸蝕，小休復出隨時有驚喜。另外推介第四場「星運俊爵」，上仗初跑此程即刻贏馬，路程性能一流，三歲馬評分仲有大把上升空間，要再贏冇難度。

寇鴻萍、梁廷鏘

天賜福星四班惡

　　香港金盃大摩出三隻，主副唔容易估，但肯定其他場次會有廐侶配合出擊。先揀第四場「天賜福星」，上場響三班都跑得唔錯，今次落番嚟四班跑，對手實力差一截，可以贏番一場。另外鍾意尾場「讚惑」，季內四戰全入Q，演出夠晒準，前仗贏得「人人興旺」，質素如何唔使多講，唞咗兩個幾月復出，體力方面唔使擔心，應該穩食尾胡。

寇鴻萍、梁廷鏘