賀賢吉利大師初出贏

猪拉多纳

自從喺今年元旦日靠「軍士」贏馬後，唔經唔覺賀賢已經守齋咗差唔多兩個月，連佢自己都覺得呢排運氣麻麻地。好彩尋日賀賢終於打破悶局，靠隻初出馬「吉利大師」食頭胡，呢隻馬仲犀利到彈甩對手三個幾馬位衝線，認真犀利。賀賢講番卒之贏番場馬梗係好開心啦，佢仲話呢隻「吉利大師」係佢喺澳洲墨爾本買返嚟，一手一腳打理，所以見到呢隻馬一出即勝特別開心。
       

賀賢話如果「和牛」直路無塞車，或可畀到「吉利大師」更大威脅。至於「吉利大師」性能點，賀賢就暗示呢隻唔係千二馬，遲啲要增程跑一哩。