馬主論戰

魑魅魍魉

龍船快喜逢弱旅

　　打開排位表， 今晚一手東廐馬實力好強， 應該繼續有馬贏；騎師就要吼實韋達，皆因佢啲坐騎亦都唔弱。先推介頭場「龍船快」，跑咗三場上名兩次， 擺明係有質素嘅馬，今次遇到一批實力平平嘅對手，睇嚟可以贏馬交代。

　　另外鍾意第五場「中華寶寶」，上次直路一度收慢都衝入一席第三，難怪韋達唔放手，再跑一哩如無意外可贏馬補中。

張敬山

紅衣叻叻賽績堅

　　剛啱柏寶贏夠四場，表現夠晒神勇， 試問今晚點可以唔吼實佢手馬？最啱心水係第七場「紅衣叻叻」，前仗彈甩「火燎腚」贏馬，後駒再出已經補中，反映賽事水準高，搵到柏寶操刀必打硬仗，要吼實。另外鍾意第六場「世界波」，上場響田草1200米都幾乎爆大冷，近況弗得交關，跑番以往贏過三次嘅一哩，擺到明要贏馬交代，值得捧場。

任達華

萬事歡施回馬槍

　　馬師榜第二位，今晚東廐都有唔少惡馬，頭馬應該陸續有來。最啱心水係第四場「萬事歡」，前仗響谷草一哩放得有聲有色，上場跑唔啱發揮嘅泥地，輸咗唔意外，今次返嚟谷草上陣，係時候開齋。另外推介第五場「神州八號」，響沙田搏嚟搏去得個近字，毅然轉嚟谷草一試，隨時可憑級數贏馬。

寇鴻萍、梁廷鏘