勝利駿駒信心爆棚

港陌

告東尼今季連奪四項一級賽夠晒巴閉，不過講到捧盃，始終大摩先係一哥，難得練者毫不計較大小通吃，一級又擦三班照殺，田谷泥瓣瓣儲齊，至今豪奪十二項錦標冠絕同儕，盃王美譽名不虛傳。今晚警察盃又見摩家軍出動，「勝利駿駒」由主帥白德民壓陣，馬房獎盃櫃又添收藏品矣！
       
勝利駿駒初跑谷草即入Q，場地性能出眾。

白德民：「勝利駿駒」剛戰只是第二次在港上陣，兼且初跑谷草，但馬兒頗為適應窄場，末段稍畀即有良好反應，最終只不敵「驚喜」半馬位跑第二，表現令人喜出望外。吸收上仗寶貴經驗後，無論對「勝利駿駒」甚至我均提高了不少信心，復課後馬兒狀態更進一步，雖然抽十檔起步不算理想，但牠向來採用留前鬥後跑法，影響不致太大，有望贏馬補中。
       
大摩（右）與白德民對上一次捧盃已數到上月的火龍駒，今晚勝利駿駒可助練騎三月發市。
開心老友 加罩改走規

黎海榮：論實力「開心老友」足夠於三班立足，只是本身走勢仍有點不規矩，並未完全成熟，希望今次加眼罩出賽，可為牠帶來正面效果。嚴格而言，此駒早前兩度運往快活谷試閘的表現均不算太好，但願只是純粹因路程太短，畢竟谷草對手級數普遍較弱，況且今次抽好檔兼只負115磅，有權打開勝門。
       
我愛您 縮程喜逢弱旅

鄭俊偉：「我愛您」早前初跑谷草一六五○米即取得頭馬，反映此駒頗喜歡於此場地作賽。無疑贏馬後升上三班，牠未能再次上名，但陣上表現並非太差。今次續跑谷草，並縮回贏馬路程，相信更有利「我愛您」發揮，難得此組三班對手不算強，加上馬兒負輕磅抽好位，只要臨場有適當步速配合，不難闖入三甲。