金石盟專欄：勝利就手步幅開揚

魑魅魍魉

　　昨晨最後試跑，出跳馬不太多，以霍廐馬最積極，派遣多駒在泥地彈閘，不乏睇頭。

　　「勝利就手」都爾在泥地彈閘，步幅開揚有力，情緒集中，觀感上並無不妥，日有進境。

　　「怡情養勝」助手、「白鹿勁」馬偉昌相偕在泥地彈閘，躍出順利，電算機前「怡情養勝」已要輕輕推騎，走勢吃力，進度徘徊不前，未達水準；外檔的「白鹿勁」輕鬆以頸位壓住廐侶，神清步爽，衝刺力強，日益成熟。

　　「砲嘜」助手、「齊鼓掌」勞愛德結伴在泥地彈閘，出閘冇問題，並肩爭持到底，「砲嘜」輕巧有餘，始終欠缺雄渾之勢，試來似好非好，無復舊觀；外檔的「齊鼓掌」拉實下贏馬頭位而回，體格強健，勁力增強，有復甦迹象。

　　「同感」助手、「的確好靚」梁家俊聯袂在泥地彈閘，後駒入閘時仍有脾氣，擾攘一輪始肯就範，起步尚算順利，並駕齊驅，最後一程「同感」佔先半乘過終點，走來似模似樣，初起而已；外檔的「的確好靚」落腳仍重，上力平平，近況普通。

　　「高友勁」助手試八百米，緊韁扣實，上火上力，身形飽滿結實，漸入佳境。

　　「太陽海岸」韋達試千二米，灑開大步而回，動作靈活，神氣十足，勇況更盛。

明駿之寶腳頭硬朗

　　「明駿之寶」韋達試千二米，腳頭硬朗，體力猶充沛，連拼未疲，操養有一手。

　　「合利高」史卓棟試八百米，翻步快捷，腰身比前柔軟，上勁起力，續在進步中。

　　「續領風騷」勞愛德試八百米，有型有款，走勢純熟，進度滿意，絕非等閒之輩。

　　「強駒」黎海榮試八百米，按韁慢跑，不浮不躁，落腳比前輕，老黃忠有迴光勇。

　　「超群名駒」勞愛德試八百米，台型吸引，步伐整齊有力，朝氣蓬勃，及時催起。

　　「大將軍」助手試八百米，韋達策「城中話題」相伴，直路上加速，內檔的「大將軍」埋門幾步力不從心，以頸位見負，狀態徘徊。